Për të ndjekur procesin zgjedhor në Qarqet Elbasan, Durrës dhe Vlorë, presidenti Ilir Meta ka dërguar këshilltarët e tij në këto qarqe.
Mësohet se ata janë pajisur me autorizim nga Komisioni Qendror i Zgjedhjeve për të qenë prezent dhe monitoruar procesin e votimit.
Një lëvizje e tillë vjen pas ngjarjes së rëndë në Elbasan, ku u vra Pjerin Xhuvani gjatë një përplasjeje me armë mes militantëve të PS dhe PD.
Po ashtu, presidenti Ilir Meta ka përmendur në çdo dalje publike të tijën në ditët e fundit Qarqet e Durrësit dhe Vlorës si më problematiket, ku mund të ketë edhe tentantiva për të prekur votën.
Poashtu më herët Meta, ka paralajmëruar se do të jetë vetë prezent në Durrës në ditën e votimit dhe në Vlorë gjatë numërimit të votave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
