Gazetari Ben Andoni e sheh protestën e sotme si një manifestim të përdorur nga Sali Berisha për të treguar se e ka ai Partinë Demokratike. Në studion e lajmeve përmes Skype-it, Andoni tha se objektivi i protestës u zbeh rrugës dhe përfundimisht nuk iu dha përgjigje shqetësimeve të shqiptarëve.
Sot zoti Berisha e përdori si manifestim për të treguar se ai është PD. Sot foli pak edhe si kryeministër i ardhshëm, sepse në fund artikuloi indikacione ekonomike, që nuk kanë shumë lidhje me buxhetin që ka shteti ynë.
Me çfarë pashë, zoti Berisha sot e mblodhi energjinë e njerëzve por nuk u dha përgjigje shqetësimeve të tyre. Një protestë duhet të ketë një objektiv të qartë. Pjesëmarrja ishte e mirë. Nuk mund të ishin dot 100 mijë veta, por ne e dimë se numrat që thonë politikanët janë gjithmonë të hiperbolizuar.
Zoti Berisha dhe njerëzit e tij nëse në një moment do të ishte në interesin e tyre, edhe sot nuk u artikuluan problemet e vërteta të njerëzve. Ne problemin më të madh e kemi mënyrën si qeverisemi dhe nuk kemi alternativa.
Një njeri që nuk bashkon dot partinë e vet shkon te PS për t’i thënë “bëje kështu partinë”. Mesa shikoj ka akoma militantë që i ndjekin mbrapa, dhe kanë akoma shpresë. Por kjo shpresë mbetet shpresë e aeroporteve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
