Kryemadhi: Shumë arsye pse nuk ndalen pagesat ndaj inceneratorëve, me vitin e ri do të hapen të gjitha letrat

Kryetarja e Lëvizjes Socialiste për Integrim, Monika Kryemadhi reagoi sot pas konferencës së fundvitit për shtyp të kryeministrit Edi Rama.

Në një reagim për çështjen e inceneratorëve që po hetohet nga SPAK, Kryemadhi theksoi se, ka shumë arsye pse Qeveria nuk i ndalon pagesat ndaj inceneratorëve.

Kryemadhi u shpreh se, me vitin e ri do të hapen të gjitha letrat.

“Të dashur gazetarë, shumë shpejt nuk do të jetë e nevojshme të lodheni më me pyetje apo dyshime, që ngelen pa përgjigje. Ka shumë arsye pse Qeveria nuk i ndalon pagesat ndaj inceneratorëve. Me vitin e ri do të hapen të gjitha letrat dhe shumë shpejt, e vërteta e megaaferës kriminale qeveritare, do të triumfojë mbi propagandën e sforcuar”, u shpreh Kryemadhi.