Sekretari i përgjithshëm i Partisë Demokratike, Gazment Bardhi, reagon ndaj deklaratës së Sali Berishës, i cili njoftoi se do të marrë pjesë në mbledhjen e grupit parlamentar.
Me anë të një mesazhi në Twitter, Bardhi shkruan se një parti ku nuk respektohet vullneti, qëndrimi dhe vlerësimi i grupit parlamentar është parti personale, por jo demokratike.
Askush nuk duhet ti imponohet apo injorojë mendimin e grupit parlamentar, kjo është përdhosje e dinjitetit të çdo deputeti. Deputetët duhet të kenë të drejtë pa asnjë kompleks apo presion të bëjnë vlerësimin e tyre nëse një person i shpallur ‘non grata’ nga SHBA duhet apo jo të jetë pjesë e grupit. Deri atëherë askush nuk mund të imponohet. Çdo sjellje tjetër që i imponohet me kokëfortësi grupit parlamentar, pa pyet dhe duke e injoruar atë, është e papranueshme dhe jo demokratike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
