Presidenti ukrainas, Volodymyr Zelensky, ka shprehur gatishmërinë të heqë dorë nga posti i tij në këmbim të një marrëveshjeje paqeje ose anëtarësimit të Ukrainës në NATO.
"Po, jam i lumtur, nëse kjo është për paqen e Ukrainës," ka thënë Zelensky në një konferencë për media në Kiev të dielën, raporton BBC.
Nëse është e nevojshme që unë të largohem nga kjo karrige, jam gati ta bëj. Mund ta shkëmbej këtë për anëtarësimin e Ukrainës në NATO.
Zelensky ka theksuar se fokusi i tij është siguria e Ukrainës, duke shtuar se nuk është "ëndrra" e tij të mbetet president për një dekadë.
Ai gjithashtu ka shprehur mirënjohjen për mbështetjen e administratës Biden dhe Trump, duke kërkuar më shumë mbështetje dhe garanci sigurie nga presidenti Trump për Ukrainën.
Zelensky ka ftuar gjithashtu Trumpin për një vizitë në Ukrainë.
Presidenti ukrainas ka njoftuar se liderët evropianë do të mblidhen në Ukrainë të hënën për të diskutuar garancitë e sigurisë për vendin.
Sipas tij, "vendime të forta" priten të merren në këtë takim, ndërsa ai ka shtuar se një takim i veçantë është planifikuar edhe me liderët e parlamentit të Bashkimit Evropian për paketat e mbështetjes dhe sanksionet kundër Rusisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
