Në kohën kur Kuvendi i Shqipërisë është mbledhur sot për të diskutuar mbi shkarkimin e Presidentit të vendit Ilir Meta, ka ardhur edhe reagimi i parë nga LSI.
Nënkryetari i Lëvizjes Socialiste për Integrim, Petrit Vasili në një postim në rrjetet sociale ironizon Kuvendin dhe thotë që votimi për shkarkimin e Metës duhet të bëhet me unanimitet.
“Pupace aman mos na zhgenjeni sot. E duam shkarkimin me unanimite”, shkruan Vasili.
POSTIMI I PLOTE
Pupacë aman mos na zhgenjeni sot.
E duam shkarkimin me unanimitet.
Pupacë jeni që jeni futini një votim dhe zgjatjani mandatin vetes një vit a dy vjet a pesë vjet.
Si mund të ikni dhe ti lini reformat pambaruar ju, aman se ne juve ju kemi shpresën e vetme për negociatat.
Përpara karavidhe mos ndaloni, atdheu tek ju i ka sytë”.
Për shkarkimin e kreut të shtetit duhet që të jenë në të njëjtin mendim së paku 94 deputetë.
Aktualisht, socialistët në Kuvend kanë 74 mandate, 3 vota të tjera janë të garantuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
