Ministri i Drejtësisë Ulsi Manja në komunikimin për mediat në përfundim të mbledhjes së qeverisë, nuk i shpëtoi pyetjes së gazetarëve lidhur me arsyen se pse nuk pati arrestime gjatë kontrollit të një dite më parë në shtëpinë e të denoncuarit si të zhdukur Ervis Martinaj dhe dy xhaxhallarëve të tij.
U drejtove si prokurori Ulsi Manja por unë jam ministër i Drejtësisë. Besoj në ndarjen e pushteteve.
Me këtë çështje duhet të merren agjencitë ligjzbatuese.
Po merret Prokuroria dhe Policia e Shtetit.
Manja shtoi se për policinë ka një ministër përgjegjës, duke përmendur emrin e ministrit të Brendshëm, Bledi Çuçi.
Gjatë kontrollit, shërbimet e policisë një ditë më parë gjetën të fshehura në koshere bletësh dhe sekuestruan në cilësinë e provave materiale:
2 armë zjarri automatike, 1 silenciator, rreth 7 mijë fishekë luftarakë të kalibrave të ndryshëm, për armë të lehta dhe të rënda, 85 predha eksplozive, 1 thikë bajonetë, 9 uniforma policie, 7 jelekë multifunksionalë, 11 kapele policie, 2 radio policie, fenelina policie, maskë gome për fytyrën dhe dokumente të ndryshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
