Ferdinand Xhaferaj ndan mendimin se Adriatik Lapajn dhe Agron Shehajn i prodhoi Sali Berisha, pasi elektorati kuptoi se ai nuk u fut në zgjedhje për të fituar. Në emisionin “Arnautistan” në MCN TV, ai deklaroi se padrejtësia për demokratët ka të bëjë me faktin që llogaritë e Berishës shkojnë kundra llogarive të demokratëve.
Këtu ka një distancim drastik të grupimit që është aty dhe elektoratit prej 500 mijë votuesish që i thonë që ne jemi në PD, por ti nuk je në drejtimin e duhur. ky potencial do shprehet dhe përfaqësohet, por këta nuk kanë zë. Unë kam dëshirë që të dalë brenda PD-së. Por që do ketë zhvillime do ketë zhvillime. 500 mija foli ditët e protestës dhe i tha se me ty nuk kemi më punë. Lapajn dhe Shehajn kush i prodhoi? I prodhoi ky, Berisha i prodhoi! Nuk dolën brenda PD-së se e kishte kapsuluar, por dolën jashtë PD-së dhe morën 100 mijë vota, megjithëse kishin probleme të brendshme. Tani në këto zgjedhje kur të gjitha palët e kuptuan se lidershipi nuk u fut për të fituar zgjedhjet, por u fut për ta përdorur grupin që tani e ka 100% të vetin si instrument se i del llogaria që me problemet që ka me drejtësinë, është shumë më e vështirë për SPAK dhe gjykatën të merret me një individ apo një individ që projektohet si lideri i opozitës dhe janë 50 deputetë që e mbështesin. Është në të drejtën e tij që të bëj këto llogari. Por padrejtësia për demokratët ka të bëjë me faktin që llogaritë e tij shkojnë kundra llogarive të demokratëve, këtu është problemi. Vjeshta maksimumi pranvera, do e shohësh që nuk ka shpëtim PD-ja do përfshihet nga këto zhvillime. Kjo fabula që u vodhën zgjedhjet, nuk i duhet Edi Ramës, por statutit të PD-së. Kjo është për t’iu arratisur dorëheqjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
