Sekretari i DASH Anthony Blinken mund të përfshihet në procesin e dialogut mes Kosovës dhe Serbisë. Deklarata është bërë nga zëdhënësi i Departamentit të Shtetit Amerikan, Ned Price.
Ai deklaroi për mediat se:
Është një dialog që ne e mbështesim shumë dhe mendojmë se është detyrë e të dyja palëve që ta shfrytëzojnë këtë mundësi në masën maksimale, për t’i çuar përpara diskutimet e tyre mbi marrëdhëniet e normalizuara, të përqendruara edhe në njohjen reciproke.
Sekretari Blinken nuk heziton t’i telefonojë palët personalisht, në rast se angazhimi i tij është përbërës i domosdoshëm”.
Ndër të tjera ai tha se i dërguari amerikan për Ballkanin Perëndimor, Gabriel Escobar, do të udhëtojë në Prishtinë dhe Beograd pikërisht për të treguar mbështetjen e ShBA-së për dialogun.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
