“Sfera publike ka ardhur duke degraduar” dhe kjo sipas pedagogut Fitim Zekthi është kriza e politikës shqiptare.
Nga emisioni “Arnautistan” në MCN TV, Zekthi tha se tradita e asgjësimit të tjetrit politikisht vetëm sepse e ke kundërshtar politik është e vjetër, ndërkohë që media që cilësohet si garancia ku thuhet e vërteta sipas tij ka degraduar dhe njerëzit janë bërë më partiakë se partiakët.
“Tradita e asgjësimit të tjetrit politikisht vetëm sepse e ke kundërshtar politik është e vjetër, ka nisur në ‘41 apo në ‘45-ën. Për mua kriza e politikës shqiptare është fakti që sfera publike ka ardhur duke u degraduar. Në gjithë botën media është garancia ku thuhet e vërteta. Këtu ka njerëz që janë më partiakë se partiakët”, tha Zekthi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
