Kryetari i grupit parlamtar të Lëvizjes Socialiste për Integrim, Petrit Vasili, ka reaguar pas publikimit të raportit të misionit të Fondit Monetar Ndërkombëtar, për konkluzionet dhe rekomandimet mbi ekonominë e Shqipërisë.
Përmes një reagimi në rrjetin social “Facebook”, Vasili thotë se me konkluzionin se “PPP-të përbëjnë rrezik domethënës fiskal”, FMN rrëzon koncesionet e kryeministrit Rama.
REAGIMI I PLOTE
FMN rrëzon koncesionet e Kryeministrit.
FMN foli qartë, që koncesionet janë “rrezik domethënës fiskal” për ekonominë e vendit.
Duhen ndalur sa më parë koncesionet, kjo zgjedhë e tmerrshme, që për shumë e shumë vjet do të hanë paratë dhe djersën e shqiptarëve.
FMN thotë që qeveria u ka borxh bizneseve 120 milionë euro.
Po ky kryeministri u shqye duke thënë qindra herë se borxhe ndaj bizneseve s’do të kishte më si në qeveritë e “poshtra” të mëparshme.
Në fakt dihet që ky kryeministër edhe genjeshtrën e ka zanat, por edhe ia fut kot se nuk kupton asgjë nga ekonomia, sepse aq shkollë ka dhe aq ia thotë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
