Ka dështuar edhe këtë të enjte mbledhja e këshillit bashkiak të Vlorës. Kësaj here kanë qenë këshilltarët bashkiakë ata që kanë refuzuar mbledhjen e përmuajshme, të thirrur nga kryebahskiaku Dritan Leli.
Mos zhvillimi i kësaj mbledhjeje është njoftuar nga vetë kryetari i Bashkisë, i cili thotë se përplasjet mes tij dhe Këshillit Bashkiak, nuk duhet të ndikojnë në shqyrtimin e çështjeve sociale për qytetin e Vlorës.
Të nderuar këshilltar, e pranoj haraçin e veprimeve tuaja deri në masën që më prek mua, por jo qytetin! Vlora sapo ka nisur sezonin turistik, pas muajsh të gjatë e të vështirë lufte me shëndetin! Turistët po gëzojnë lirinë dhe bukurinë e një qyteti që nuk mund dhe nuk duhet të shëmtohet prej gjyqeve teatrale! Vlora duhet promovuar, jo sakatuar! Po e marrë unë barrën e ndjesës, ndaj të gjithë banorëve të Vlorës që po penalizohen a qoftë edhe vetëm bezdisen, nga radhët tona të ngatërruara që po iu rëndojnë.
Këshilli Bashkiak ka kërkuar më herët mbledhje jashtë radhe me kryebashkiakun Dritan Leli, por që ky i fundit ka insistuar që mbledhja duhet të zhvillohej online për shkak të rregullave anti covid.
Së fundmi, Dritan Leli është bërë objekt i kritikave nga këshilltarët dhe strukturat lokale të Partisë socialiste menjëherë pas përplasjes me kryeministrin Rama për listën e kandidatëve për deputetë të qarkut të Vlorës.
Refuzimi i tij për të lënë mandatin e kryebashkiakut dhe për të marrë atë të deputetit çoi në ndarjen mes tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
