Kryetari i Partisë Demokratike, Lulzim Basha takoi Drejtorin për Europën Jug-Qëndrore në Departamentin Amerikan të Shtetit, Mathew Palmer, ku ndau me të shqetësimin për situatën e krijuar në vend.
Për kreun e opozitës krimi, korrupsioni, droga, zgjedhjet e lira e të ndershme, si dhe dekriminalizimi ishin shqetësimet kryesore.
Basha i tha Palmer, se sfida më e madhe është garantimi i zgjedhjeve të lira, në kushtet kur procesi zgjedhor sipas tij kërcënohet nga droga dhe kriminelët me mbeshtetje qeveritare.
Sipas njoftimit nga zyra e shtypit e PD-së, thuhet se Basha konfirmoi mbështetjen e Partisë Demokratike për të ardhmen europiane të vendit dhe zbatimin e Reformës në Drejtësi.
Nga ana e tij, Drejtori për Europën Jug-Qëndrore në Departamentin Amerikan të Shtetit theksoi se Shtetet e Bashkuara të Amerikës i ndjekin me shumë kujdes zhvillimet në Shqipëri dhe se ata kanë gjithmonë nën vemendje dhe monitorim proceset zgjedhore dhe garantimin e zgjedhjeve të lira dhe të ndershme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
