Zgjedhjet e 25 prillit u zhvilluan në klimë të qetë dhe mbarëvajtje. Ky është konkluzioni i vëzhguesve të Komitetit Shqiptar të Helsinkit, të pranishëm në 14 bashki të vendit. Në një lidhje Skype me edicionin e lajmeve të MCN TV, Daniel Prroni tha vlerësoi punën e KQZ-së përgjatë ditës së votimit dhe në vijim. Sipas tij, problemet që kanë identifikuar vëzhguesit në terren kanë të bëjnë kryesisht me votimin familjar dhe fotografimin e votës.
Ka pasur raste të votimit familjar. Ka pasur sinjalizime për fotografimin e votës. Por është vënë re një trajtim jo i njëjtë.
Zgjedhjet patën një klimë të qetë dhe mbarëvajtje. Çështjet me identifikimin elektronik u panë në të gjithë vendin. Kemi parë që ndoshta në disa bashki ka pasur incidente me frekuencë më të shtuar.
Duke marrë parasysh rrethanat e pazakonta dhe faktin se elementë të sistemit po implementohen për herë të parë, mund të themi se procesi u realizua mirë nga KQZ, por positive ishte edhe klima gjatë ditës së votimit
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
