“Policia fsheh djegien e makinës së dhëndrit të Sejdinit”, reagon Ministria e Brendshme: Janë pasqyruar të gjitha ngjarjet

Pas akuzave të Partisë Demokratike, ku deputetët e saj Ervin Salianji dhe Luçiano Boçi, deklaruan se policia e Ebasanit ka fshehur një ngjajre shumë të rëndë, ka ardhur erdhe reagimi i Ministrisë së Brendshme.

Në këtë reagim Ministria thotë se të gjitha ngjarjet e ndodhura në qytetin e Elbasanit, janë pasqyruar gjerësisht dhe çdo kush gjen në faqen zyrtare të policisë. Ministria thotë se akuzat e opozitës, janë një tjetër përpjekje për të hedhur baltë mbi punën e mijëra burrave dhe grave të Policisë së Shtetit në luftë të pandërprerë me krimin dhe paligjshmërinë.

Sipas deklaratës akuzat e përsëritura dhe përbaltja kanë vetëm një qëllim, të rrisin artificialisht tensionin, të prishin imazhin e vendit në kulmin e sezonit turistik duke pretenduar cenimin e parametrave të sigurisë. 

Ministria thotëse ndjehemi të keqardhur për këto sulme të vazhdueshme ndaj Policisë së Shtetit, duke u përpjekur pa ia dalë mbanë, të manipulojnë me faktet që janë publike, online dhe i sheh kushdo.

Ministria sqaron se ngjarjet e pretenduar si të fshehura janë të pasqyruara në faqen zyrtare të Policisë së Shtetit, "përkatësisht në datat 23 mars 2018: (Më datë 23.03.2018 rreth orës 03:00 në lagjen "Dyli Haxhire" në një pikë servisi është djegur pjesërisht  mjeti tip "Benz" në pronësi të një firme. Grupi hetimor po punon për  zbardhjen e plotë të rrethanave të ngjarjes, identifikimin  dhe kapjen e autorit. Neni 151 i Kodit Penal)".

Ndërsa njoftimi i dytë i publikuar në faqen zyrtare në 31 korrik 2018 sqaron rrethanat e ngjarjes së ndodhur një ditë më parë, ku bëhet fjalë për një telefonatë që pretendon vjedhjen e mjetit me armë, por nuk ka patur asnjë të shtënë në Elbasan: (Më datë 30.07.2018, shtetasi D.Sh., ka telefonuar policinë dhe ka kallëzuar se në aksin rrugor “Tiranë - Dajt”, dy persona të paidentifikuar nën kërcënimin e armës i kanë marrë mjetin. Në lidhje me këtë njoftim është ngritur grup hetimor për sqarimin e rrethanave të ngjarjes dhe vërtetësinë e informacionit, si dhe janë njoftuar DVP Elbasan, Durrës, Lezhë)"