Kuvendi i Shqipërisë zhvillon sot seancën e radhës plenare, ku në qendër të diskutimeve pritet të jenë një sërë interpelancash me kryeministrin dhe anëtarë të kabinetit qeveritar.
Në rendin e ditës janë parashikuar dy interpelanca me kryeministrin Edi Rama. Njëra është kërkuar nga një grup deputetësh të Grupit Parlamentar të Partisë Demokratike, ndërsa tjetra nga deputetët e Partisë Mundësia, Agron Shehaj dhe Erald Kapri.
Gjithashtu, deputetët e opozitës kanë kërkuar interpelanca me ministrin e Brendshëm Besfort Lamallari, ministrin e Infrastrukturës dhe Energjisë Enea Karakaçi, si dhe ministrin për Evropën dhe Punët e Jashtme Ferit Hoxha.
Përveç interpelancave, deputetët do të shqyrtojnë edhe dy projektligje: ratifikimin e marrëveshjes për sigurimet shoqërore mes Shqipërisë dhe Polonia, si dhe projektligjin “Për nënproduktet me origjinë shtazore”.
Seanca do të nisë me miratimin e procesverbalit të mbledhjes së datës 1 qershor 2026 dhe do të përmbyllet me diskutime për çështje jashtë rendit të ditës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
