Deputeti demokrat Luçiano Boçi, mbështet protestën e pedagogëve, duke thënë se në hierarkinë e pagave, pedagogët mbeten kategori e diskriminuar, pasi janë në nivelin e 15 viteve më parë.
Në një intervistë për MCN TV, Boçi tha se ndryshimet që kanë ndodhur duhet të ishin reflektuar si investim e shoqërisë tek ajo kategori që përçon dijen universitare.
Kjo gjendje pagash bën që cilësia në arsim të jetë e ulët dhe universitetet të shndërrohen në magazina që hyjnë e dalin të rinj që dalin me kartona që marrin emrin diplomë.
Shoqëria shqiptare investon për arsimin, paguan taksat dhe shkojnë për formimin e një studenti, por që po shohim ikjen e trurit të një të rinjve.
Dua të prek edhe ikjen e trurit në nivel pedagogësh, pasi kërkesa për tu bërë pedagogë është e madhe dhe nuk ndjehet largimi.
Por shqetësuese është se po ikin pedagogë cilësorë, pasi nuk e përballojnë dot jetën e tyre me një pagë diskriminuese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
