Ka dy faktorë sipas Neritan Cekës se përse nuk numërohen votat në Shqipëri. Numërimi i votave nga palët politike sipas tij është një nga arsyer dhe e dyta lidhet me largimin e OSBE.
I ftuar në emisionin “Të Paekspozuarit” në MCN TV, Ceka tha se OSBE bie në konflikt interesi pasi ka karrerën dhe rrogat e veta, ndërkohë që shtoi se populli është ende me cilësi të papjekura.
“Ka dy faktorë që kjo punë nuk do të rregullohet, në moshën tonë jo por edhe të nipit tim. Nëse vazhdojnë që votat ti numërojnë palët dhe dy derisa të largohet OSBE nga Shqipëria. Janë në konflikt interesi, ata kanë makinat e tyre, rrogat e tyre, karrierën e tyre. Këtu nuk kemi ende popullin, populli nuk është krijuar. Populli i ka të gjitha cilësitë, por duhen më të pjekura”, tha Ceka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
