Vendimi i Bashkimit Evropian për heqjen e masave ndëshkuese ndaj Kosovës është vlerësuar si një zhvillim pozitiv, ndonëse i vonuar, nga ministri Ferit Hoxha.
Në një reagim publik në rrjetin social X, Hoxha theksoi se ky vendim rikonfirmon përkushtimin e Kosovës ndaj vlerave europiane, shtetit të së drejtës dhe bashkëpunimit rajonal.
Sipas tij, heqja e masave hap një kapitull të ri për vendin, duke mundësuar qasje të plotë në fondet dhe asistencën e BE-së, si dhe duke forcuar procesin e integrimit europian. Ai shtoi se ky hap ndikon gjithashtu në rindërtimin e besimit dhe rritjen e besueshmërisë së këtij procesi.
Hoxha nënvizoi se avancimi i mëtejshëm i Kosovës në rrugën drejt BE-së, përfshirë shqyrtimin e aplikimit për statusin e vendit kandidat, do të kontribuojë në një rajon më të qëndrueshëm dhe më të sigurt, duke rikonfirmuar perspektivën europiane për të gjithë Ballkanin Perëndimor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
