Analisti dhe gazetari Mustafa Nano, e kundërshton idenë e hedhur nga kryedemokrati Basha për kufizimin e mandateve të kryeministrit në dy të tilla. Në një intervistë në studion e lajmeve në TvT, Nano tha se kjo është një praktikë amerikane, që në Europë nuk ndiqet. Nano shtoi se qarkullimi i elitave mund të bëhet vetëm nëpërmjet ndërrimit të kryetarëve.
“Me kufizimin e mandatit të kryeministrit nuk ka precedentë në botën demokratike. Kryeministrin e zgjedh populli. Ka udhëheqës që rrinë më shumë se dy mandate. Ky është një version amerikan, një logjikë e tillë dhe ne do të bëjmë mirë të mos përpiqemi të imitojmë, sepse modeli amerikan është larg nesh. Lidhur me qarkullimin e elitave ka një mënyrë tjetër: të ndërrohet kryetari. Kur ndërrohet kryetari, atëherë ndërrohen vetvetiu elitat. Në Perëndim kemi njerëz që kanë lindur deputetë dhe vdesin deputetë. Kryetari mund të bëjë qarkullim elitash”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
