Për kryetarin e Partisë Agrare Ambientaliste, Agron Duka kusht për të patur zgjedhje të lira e të ndershme mbetet rregullimi i Kodit Zgjedhor, ndryshe alternativë e vlefshme mbetet vetëm qeverisja e vendit me anë të një qeverie teknike.
Madje, për televizionin News 24, Duka deklaroi se kërkesa për qeveri teknike qëndron tërësisht, sidomos tani që koha për ndryshime në kod është e pakët, ndaj dhe qeveria teknike mbetet e vetmja rrugë.
“Qveria aktuale nuk jep premisa për të patur zgjedhje të ndershme. Habitet pse i duket ndokujt e çuditshme kërkesa për qeveri teknike. Ose të rregullohet kodi zgjedhor për të garantuar zgjedhje të lira e të ndershme ose të kalohet në qeveri teknike” – deklaroi Duka për News 24.
Kryetari i PAA nuk la pa përmendur edhe takimin e disa ditëve më parë me kreun e Partisë Demokratike, Lulzim Basha. Sipas Dukës ky ishte një takim pune ku u diskutua mbi alternativën e krijimit të qeverisë teknike. “Konsensusi është i nevojshëm dhe besoj se do të arrihet edhe për 7 ligjet” - shtoi Duka duke theksuar edhe se reforma në drejtësi është e domosdoshme për vendin. Kreu i PAA vuri në dukje edhe ndërhyrjen e ndërkombëtarëve duke e cilësuar në funksion të procesit dhe të miratimit me konsensus të reformës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
