Në studion e emisionit “Të Paekspozuarit”, Ilir Meta tha se aksioni opozitar i Partisë së Lirisë është i bashkërenduar me PD. Meta tha se për të larguar Edi Ramën nga pushteti duhen përpjekje të tjera përtej votës. Ndaj protestat do të vijojnë.
Jemi në sintoni me Berishën. Edi Rama do të shporret me protesta dhe me votë. Zoti Berisha e di që ai nuk ikën me një proces normal demokratik. Prandaj duhen përpjekje ekstra. Rama do të shporret. Ai do të mbajë përgjegjësi, me Ilir Metën nuk ka pazare. Nuk besoj se mund të ketë as me Sali Berishën.
Qytetarët të mos e shesin votën e tyre, sepse më e keqe do t’u bëhet jeta. Do të ketë dinamika shumë të shpejta.
Meta u ndal edhe te Lulzim Basha.
Sali Berisha, Lulzim Bashën e ka mbështetur pa kushte. Ndërsa ky tjetri përveç akteve të pabesisë me opozitën, përpiqet çdo ditë të minojë opozitën. Ka dhënë dorëheqje nga kryetar partie, por ka emrin në gjykatë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
