Për gazetarin Armand Shkullaku, krimi në vend mori forcë me krijimin e organizatës së “Rilindjes”.
Në emisionin e “Të Paekspozuarit”, në MCN TV, Shkullaku u ndal te fakti se këto forma të organizuara kriminale u krijuan fillimisht për mbrojtjen e votës, të cilët më pas morën poste drejtuese, 20 nga të cilët u shkarkuan më pas për rekorde kriminale.
Me krijimin e organizatës së “Rilindjes” këto lidhje morën një formë të organizuar. Fillimisht u krijuan grupet për mbrojtjen e votës, ku u rreshtuan banditë të mirënjohur dhe pastaj këta banditë të mbrojtjes së votës, u kandiduan për deputetë, kryetar bashkie, për shefa, për drejtues kyç të administratës publike, etj, dhe ndoshta jemi rasti i rrallë ku 20 individ të tillë u shkarkuan më pas me rekorde kriminale.
Pavarësisht këtij fenomeni, Rama deklaroj botërisht që këta janë njerëz që i do populli, që rrinë pas halleve të popullit, që i shërbejnë komunitetit, dhe janë nderi e lavdia e PS. Pra, kjo e bën ndryshimin, sepse krimi nuk është më çështja se e ka frikë shtetin, por e kontrollon vet shtetin, janë kriminelët që nuk e lejojnë më pushtetin të tradhtojnë interesat e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
