Kryeministri i Kosovës, Albin Kurti, ka emëruar politikanin serb nga Kosova, Petar Miletiç si këshilltar i jashtëm politik.
Një gjë të tillë e ka konfirmuar vetë Miletiç, për të përditshme serbe “Danas”.
Sipas tij ai është emëruar si këshilltar i jashtëm i Kurtit me financim të Qeverisë Gjermane, më konkretisht të Ministrisë së Punëve të Jashtme gjermane për çështjet e komuniteteve.
Roli i tij, shpjegon Miletiç, si këshilltar i jashtëm nuk do të jetë të një natyre vendimmarrëse, por këshilluese.
Atë vit ai dënoi aksionin e Lëvizjes Vetëvendosje në pikën kufitare në Merdare.
Ndryshe Miletiç nuk është përkrahës i themelimit të Asociacionit të Komunave me shumicë serbe.
“Serbët e Kosovës mbrohen mjaftueshëm me Kushtetutën e Kosovës dhe aktet nënligjore, prandaj nuk ju duhet Asociacioni”, pati deklaruar ai.
Petar Miletiç, ishte nënkryetari i Kuvendit të Kosovës në vitin 2012.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
