Ish-Presidenti Bujar Nishani është transferuar jashtë vendit për një trajtim më të specializuar mjekësor mëson MCN TV.
Kujtojmë që, që prej të mërkurës ish-presidenti ka qenë i shtruar në spitalin “Shefqet Ndroqi” ku u trajtua për pneumoni të shkaktuar nga Covid-19.
Nishani ka shfaqur vështirësi në frymëmarrje dhe është trajtuar në pavionin e “Shefqet Ndroqit”.
Ish-kreu i shtetit po përballet me një pneumoni bilaterale që është tipike e shkaktuar nga Covid.
Një ditë më parë MCN TV mësoi se Nishani është trajtuar me 6-7 litra oksigjen, dhe gjendja e tij konsiderohej e qëndrueshme, ku nuk ka pasur nevojë për terapi intensive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
