Teksa na ndajnë vetëm tre ditë nga zgjedhjet parlamentare që do të mbahen ditën e dielë, Komsioneri Shtetëror i Zgjedhjeve, Ilirjan Celibashi, ka publikuar në “Twitter” fotot e shpërndarjes së materialeve zgjedhore me kamionët e ushtrisë.
“Sot, përfundon shpërndarja e materialeve zgjedhore për qarqet Vlorë, Shkodër, Dibër, Gjirokastër, Korçë, Kukës, Fier, Berat. Nesër do të shpërndahen në Tiranë, Elbasan, Durrës & Lezhë. Në çdo QV do të ketë shabllonë (për FV) në alfabetin braille për votuesit që nuk shikojnë”, shprehet Celibashi.
Fletët e votimit janë prodhuar nga kompania sllovene CETIS dhe mes tyre ka edhe fletë për persona aftësi të veçantë, përkatsisht fletëvotimi në alfabetin braille për votuesit që nuk shikojnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
