Kryetari i Grupit Parlamentar të Partisë Socialiste, Taulant Balla, i është rikthyer një kabllograme të vitit 2009, kohë kur lideri aktual i PD-së ishte ministër i Jashtëm.
Sipas raportimit që ambasadori i atëhershëm amerikan, John Withers, bënte për Departamentin e Shtetit, Basha në atë kohë është përfshirë në lirimin nga burgu të një eksponenti të krimit në këmbim të mbështetjes me votë në zonën e tij elektorale.
“Raportimi i Ambasadorit të SHBA, Withers, për Lulzim Bashën pas zgjedhjeve të 2009: “Ministri i Jashtëm Basha,i cili përfaqësoi PD në Elbasan, është përfshirë në lirimin e një krimineli të famshëm në Elbasan në këmbim të mbështetjes së familjes së tij. Krimineli u lirua më 29/6/09”, thuhet në kabllogramë.
Në postimin e tij, Balla thotë se “Lulzimi e mbajti "fjalën" e liroi kriminelin një ditë pasi familja e tij i dha votën”.
Postimi i Ballës vjen në kulmin e akuzave të opozitës ndaj tij për bashkëpunim me krimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
