‘Foltorja’ e Sali Berishës do të zhvendosur nesër në Gjirokastër, me shpresën për të bindur demokratët se SHBA dhe Lulzim Basha e kanë gabim dhe ai është përjashtuar nga grupi i PD dhe shpallur ‘non grata’ nga DASH padrejtësisht.
Takimit të Berishës në Gjirokastër, demokratëve dhe militantëve të tij, do t'i bashkohen edhe ish-presidenti Bujar Nishani, deputeti i PD për Gjirokastrën, Tritan Shehu dhe kryetari i PD Gjirokastër, Dasho Aliko.
Përmes një postimi në rrjetet sociale, Nishani bën me dije se nesër do i bashkohet “Foltores” së Berishës në Gjirokastër.
“Të nderuar miq, nesër, e mërkurë 6 tetor, ora 18:00 do t’ju bashkohem demokratëve të Gjirokastrës në Foltoren e Z. Berisha !
Qyteti simbol i trashëgimisë dhe bukurisë sonë kulturore, jet e mót ka qenë edhe simboli i patriotizmit dhe ndershmërisë njerëzore.
Të gjithë bashkë për tu bërë më të fortë dhe fitimtar”, shkruan Nishani.
Poashtu, Aliko dhe Shehu, kanë konfirmuar pjesëmarrjen përmes rrjeteve sociale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
