Një delegacion në përbërje nga Komisioni për Politikën e Jashtme, drejtuar nga kryetarja Mimi Kodheli ka nisur një vizitë zyrtare në Prishtinë me ftesë të homologut kosovar, Haki Abazi.
Gjatë vizitës delegacioni do të zhvillojë takime me Kryetarin e Kuvendit të Kosovës, Glauk Konjufca, me Komisionin për Politikën e Jashtme, më Komisionin për Siguri dhe Mbrojtje, si dhe me anëtarë të ndryshëm të kabinetit qeveritar.
Anëtarët e Komisionit për Punë të Jashtme dhe Diasporë të Kosovës si dhe delegacioni i Komisionit për Politikë të Jashtë të Kuvendit të Shqipërisë do të diskutojnë sot për ndikimin e luftës në Ukrainë në zhvillimet në rajon dhe masat e përbashkëta.
Gjithashtu deputete e Kosovës dhe Shqipërisë do të diskutojnë lidhur me integrimet euro-atlantike të rajonit si dhe zbatimin e marrëveshjeve të arritura mes dy vendeve.
Në ditën e parë të vizitës delegacioni nderoi figurën e Presidentit Ibrahim Rugova si dhe vizitoi Prekazin. Kodheli vendosi një kurorë me lule në varrin e dëshmorit Adem Jashari, ndërsa delegacioni u prit edhe nga familja Jashari në një takim miqësor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
