Pas Bashkisë Devoll, tensionet po shoqërojnë sot edhe Bashkinë e Kavajës,e cila është rrethuar nga forcat e policisë dhe FNSH.
Sot pritet të konstituohet Këshillit Bashkiak i Kavajës dhe të betohet kryebashkiaku i ri i PS, Redjan Krali.
Ndërkohë mbështetësit e ish-kryebashkiakut të PD, Isa Sakja po mbajnë protestë.
Në bashki ka mbërritur edhe ish-kryebashkiaku Isa Sakja, i cili ka deklaruar se nuk do ta lirojë zyrën.
“Sot do të jem në zyrë. Nuk e liroj zyrën, është një ditë normale pune. Kemi një dekret presidenti në fuqi, është e pamundur që populli dhe demokratët e Kavajës të tolerojë qeverinë të emërojnë në detyrë njerëz të pazgjedhur. Këtu kanë votuar vetëm 5% e votuesve, se imagjinoj dot që një qytet të qeveriset nga 5% e votuesve”, është shprehur Sakja.
Krali u shpall fitues si kryebashkiak i Kavajës, në zgjedhjet e 30 qershorit dhe pritet të marrë zyrën.
Kryebashkiakët demokrat kanë paralajmëruar se nuk do ti lirojnë zyrat e tyre për tu vendosur kryebashiakët e rinj socialistë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
