Loku: Gratë në politikë s’duhet të kthehen në kopje të shëmtuara të burrave! 

Rigerta Loku, kandidate e “Shqipëria Bëhet” tha në “Mcn Informacion” se gratë në politikë nuk duhet të kthehen në kopje të shëmtuara të burrave.

Loku vë në dukje se gratë ende s’kanë vendin që meritojnë në politikë, por këtë vend duhet ta marrë vet, jo të pres që t’ia dhurojnë. 

“E para gjë që duhet të bëjmë ne në politikë është të mos jemi kopje të shëmtuara të burrave. Zonjat në politikë si në çdo fushë të jetës s’është trajtuar siç duhet. Nuk e kemi vendin që meritojmë, por s’duhet të presim që të na i dhurojnë vendin, por duhet ta marrim. Kemi handikap të madh te partitë tradicionale, ku kanë staf dhe financa shumë më të reduktuara se sa një burrë. Edhe debatet televizive në fushata janë të predominuara nga burrat. Ne s’kemi nevojë të imitojmë burrat, s’kemi nevojë të sulmojmë njëra-tjetrën. Në listat e mbyllura s’e di që partitë tradicionale të kenë dy gra”.