Fotot e ish-presidentit Ilir Meta në publik më shumë se një vit pas arrestimit ngjallën jo pak reagime.
Ndërsa reagimet publike në rrjetet sociale dhe disa intervista nga izolimi nuk munguan, por ajo që mungonte ishte pamja e tij.
Pas afro dy vitesh, z.Meta u rishfaq në publik e para kamerave më 27 Prill. I veshur me Kostum dhe një kollare të kuqe Meta mbajti këtë fjalë në sallën ku e pranishme ishte edhe ish gruaja e ti, znj.Monika Kryemadhi.
Me mbërritjen e trupit gjykues, kërkesa për të transmetuar LIVE seancën u refuzua ndërsa procesi pas disa minutash u ndërpre pasi u konstatua mungesa e vjehrrës së ish Presidentit po ashtu e bashkëpandehur në proces.
Transformimi i pamjes së z.Meta ka rihapur një debat publik për kushtet e trajtimit të të burgosurve dhe paraburgosurve, ndërsa avokatët kërkojnë që gjatë gjykimit ai të qëndrojë në sallë pranë avokatit dhe jo në kafaz.
Nga ana tjetër një proces i ndryshëm në akuzë dhe palë, por sërish me ngarkesë politike po ndodh edhe në gjyqin Veliaj.
Kryebashkiaku në detyrë Erion Veliaj prej disa seancash ka një betejë ligjore me SPAK, gjykatën dhe drejtësinë.
Nga kërkesa për t’i hequr mandatin e Prokurorit Ols Dados e deri tek heqja e arrestit apo dhe pushimi i akuzës, ai vijon çdo seancë të paraqesë kërkime.
E për këto kërkime gjatë seancës së fundit Prokurori Altin Dumani u shpreh se nga SPAK vlerësohen artificiale për të bllokuar gjyqin.
Emisioni “FactCheck” sjell edhe një kronologji të disa prej figurave publike dhe politikanëve pas kafazit të qelqtë me drejtësinë.
Ilir Meta, ish-president
Erion Veliaj, kreybashkiak i Tiranës
Jorgo Goro, ish-kryebashkiak i Himarës
Vangjush Dako, ish-kryebashkiak i Durrësit
Fatos Tushe, ish-kryebashkiak i Lushnjes
Safet Gjici, ish-kryebashkiak i Kukësit
Fredi Beleri, eurodeputet fitues i bashkisë Himarë por i pabetuar
Lefter Koka, ish-ministër
Alqi Bllako, ish-deputet
Ilir Beqaj, ish-ministër
Jambarbër Malltezi, politikan, dhëndri i z.Berisha
E pas 11 rasteve të dokumentuara me foto video e më shumë në total, sot zëri për të tilla kushte është ngritur shumë. Aq sa duket sikur është gjyqi i Politikës me Drejtësinë për të vendosur në sallë atë që ndoshta do duhet ta kish zgjidhur me LIGJ kur kishte fuqinë e vendimmarrjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
