Rama paralajmëron ndërhyrje të shtetit në tregun e naftës: Lehtësim i barrës për qytetarët

Kryeministri Edi Rama bëri të ditur se qeveria po punon për krijimin e një mekanizmi shtetëror që të ndikojë në tregun e naftës në vend.

Sipas tij, synimi është rritja e konkurrencës dhe stabilitetit në çmime për qytetarët.

Ai tha se përvoja në sektorin e fluturimeve ajrore tregon se ndërhyrjet për të nxitur konkurrencën mund të japin rezultate të dukshme.

Një nga objektivat tona është krijimi i një faktori të ri në tregun e naftës, një forcë publike për të krijuar një kapacitet që të lehtësojë barrën mbi qytetarët.

 

Kryeministri shtoi se përmes garancive shtetërore pritet të bëhet më e lehtë arritja e marrëveshjeve afatgjata me kompanitë që furnizojnë dhe shpërndajnë karburantet në treg.

Gjatë një konference për mediat, ai theksoi se vendosja e garancive nga shteti pritet të lehtësojë marrëveshjet afatgjata me kompanitë që merren me shpërndarjen e naftës.