Në studion e lajmeve të MCN TV, gazetari Mustafa Nano tha se protesta e ka kaluar momentin e saj më të mirë.
Mendoj se më e bukura e protestës ka kaluar. Më e bukura ishin ato ditët e mëdha kur të gjithë u gënjyen se establishmenti i ka punët keq.
Ky koncert nuk eklipson protestën sepse është planifikuar shumë kohë para se të niste protesta. Jehona e tij është disa orë dhe mbaron. Ndërsa protesta ka 40 ditë aty dhe thonë se do të vazhdojë.
Nano u pyet edhe në lidhje me organizatorët e protestës.
Janë një grup të rinjsh që nuk kanë dije dhe karizmë.
Mesazhet që përcjell protesta janë e para sporadike, rastësore. Kush rrëmben mikrofonin mund të thotë ndonjë gjë. Mikrofonin nuk mund t’ia lësh në dorë kujtdo. Prandaj duhej ekipi drejtues. Unë i kam ndjekur ata djemtë me kureshtje, më ka pëlqyer që kanë një lloj idealizmi, në ndryshim nga gjeneratat e vjetra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
