Byroja e Kuvendit ka marrë vendimin për përjashtimin e 7 deputetëve të opozitës për 10 ditë nga Parlamenti.
Masa u kërkua nga grupi parlamentar i PS-së në lidhje me trazirat që shoqëruan votimin e Arta Markut si kryeprokurore e përkohshme në seancën e së hënës.
Deputetët që ndëshkohen me përjashtim 10-ditor janë: Ervin Salianji, Endri Hasa, Flamur Noka, Bardh Spahia, Monika Kryemadhi, Kejdi Mehmetaj, Endrit Brahimllari.
Vendimi do të zbatohet pas rifillimit të punës së Parlamentit, pra në seancën e parë të janarit dhe mbledhjet e komisioneve parlamentare.
Në mbledhje u mor vendimi për përjashtimin për 5 ditë të deputetit të PS-së, Bujar Çela, masë e kërkuar nga vetë deputeti për goditjen e deputetes së LSI-së, Kejdi Mehmetaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
