Gazetari Arsen Rusta ka sjell për MCN Live një panoramë të situatës së protestës para Kuvendit ku opozita ëhstë vendosur për protestën e radhës, ndërsa policia dhe Garda kanë rrethuar parlamentin.
Ai bëri me dije se deputetët e përjashtuar i janë drejtuar protestuesve në pamundësi për të hyrë në ambientet e kuvendit.
Ka një prani të protestuesve dhe pse sipas tij ky numër sa vjen dhe reduktohet nga protesta në protestë. Deri tani nuk është shënuar asnjë incident.
Për mikrofonin e MCN një qytetar i pranishëm në protestë deklaroi se edhe pse i moshuar ka ardhur për të protestuar sepse shqiptarët kanë shumë motive për ta bërë këtë gjë.
Kam ardhur për protestën sot dhe jo për rrezet e diellit. Jam 78 vjeç dhe kam ardhur për të protestuar për gjithçka sepse shqiptarët kanë shumë motive për të protestuar. Është e gabuar moslejimi i deputetëve demokratë brenda në Kuvend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
