Pyetjes nëse ka pasur kontakt me Lulzim Bashën, pas skualifikimit nga lista për deputetë në Pogradec, ish-deputeti Klevis Balliu iu përgjigj se i ka dorëzuar kreut të PD dokumente me emra dhe mbiemra të cilët ishin dhe janë aktualisht kryatarë organizatash të PS që befas u gjetën në listat e votuesve të PD.
Nga emisioni “Të Paekpozuarit” në MCN TV Balliu tha se Basha nuk mund ta mohojë këtë, ndërkohë që shtoi se ka qenë i mirëinformuar për procesin në Pogradec.
“Basha është i mirëinformuar për pjesën e procesit në Pogradec i cili ishte proces i korruptuar. Unë i kam dorëzuar Bashës dokumente me emra dhe mbiemra të cilët ishin dhe janë aktualisht kryatarë organizatash të PS që befas u gjetën në listat e votuesve të PD. Në statutin e PD nuk mund të jesh në listat e PD në momentin që je në listat e një partie tjetër. Unë i kam dorëzuar listën dhe ai se mohon dot këtë”, tha Balliu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
