Meta me të rinjtë e Vlorës: Të bëjmë çdo përpjekje për t'ju krijuar të ardhme të sigurt

Presidenti Ilir Meta e ka nisur ditën e sotme me një takim me studentët e qytetit të Vlorës.

Nëpërmjet një postimi në Facbook, Meta shprehet se bashkëbisedimi me ta kishte në fokus angazhimin e të rinjve në të gjitha fushat e jetës.

“Të dëgjojmë zërin e të rinjve dhe të bëjmë çdo përpjekje për t'ju krijuar të gjitha shanset dhe mundësitë për të ndërtuar të ardhmen e tyre të sigurt në Atdheun tone” shkruan Presidenti.

Postimi i plotë

Kënaqësi të nisja sot ditën, me një bashkëbisedim të ngrohtë në Vlorë me studentë të këtij qyteti, të cilët studiojnë brenda dhe jashtë vendit.

Ndamë shumë ide të çmuara për domosdoshmërinë e angazhimit të tyre energjik, në të gjitha fushat e jetës, për t'i dhënë Vlorës shkëlqimin dhe krenarinë e merituar.

Të dëgjojmë zërin e të rinjve dhe të bëjmë çdo përpjekje për t'ju krijuar të gjitha shanset dhe mundësitë për të ndërtuar të ardhmen e tyre të sigurt në Atdheun tonë