Kryeministri Edi Rama dhe Partia Socialiste që ai drejton janë në mënyrë të padiskutueshme më të votuarat sipas ish ministrit të Drejtësisë Ylli Manjani.
I ftuar në “Arnautistan” në MCN TV, Manjani tha se pavarësisht votës së qytetarëve, Rama sërish ka marrë më shumë se sa i ka dhënë populli. Sipas tij përqindja e votave të marra nga qytetarët nuk korrespondon me numrin e vendeve në parlament.
“Edi Rama është më i votuari dhe PS është më e votuara pa asnjë diskutim, por ka marrë më shumë pushtet se sa i kanë dhënë. 48% e popullit nuk korespondon me 58% të vendeve që ai ka në parlament. Është e pandershme të marrësh vota më shumë se të ka dhënë populli. Duhet pranuar po ashtu që opozita dështoi që të shfaqej unike dhe të krijonte idenë e votës popullore kundër qeverisë”, tha Manjani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
