Mandati i deputetes Olta Xhaçka është bërë pjesë e debateve paraditen e sotme në Konferencën e Kryetarëve, ku opozita akuzonte për mbrojtjen e saj duke mos e dërguar në Gjykatën Kushtetuese. Gazmend Bardhi ka akuzuar kryeparlamentaren Elisa Spiropali se ka shkelmuar Kushtetutën.
Kreu i grupit parlamentar socialist, Niko Peleshi deklaroi se e kanë zbatuar vendimin e Gjykatës Kushtetuese duke e çuar mandatin në seancë.
Kemi përmbushur të gjithë detyrimin; nuk bëhet fjalë vetëm për mandatin e një deputeti, por është i nevojshëm një qartësim për të gjitha rastet që mund të ndodhin në të ardhmen.
Ne besojmë se një opinion nga Komisioni i Venecias do të na vlejë të gjithëve, sidomos në një situatë konflikti mes dy të drejtave: diskrecionit të deputetëve për të shprehur vullnetin e lirë në seancë dhe detyrimit për zbatimin e vendimit të Gjykatës Kushtetuese.
Kjo qartësi do të na vlejë neve, dhe gjithashtu do t’ju vlejë edhe juve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
