Kryetari i PD-së, Lulzim Basha, akuzoi kryeministrin Rama për korrupsion, që sipas tij i ka varfëruar shqiptarët dhe po i detyron të largohen nga vendi. Basha tha se është dyfishuar numri i familjeve në mjerim dhe janë mbyllur një numër i madh biznesesh për shkak të politikave qeverisëse të PS-së.
“Shqiptarët po presin me padurim që koha jote të mbarojë. Ti nuk t’i zë sytë halli i shqiptarëve. Po të mos ishe ti, shqiptarët nuk do të ktheheshin masivisht siç po kthehen nga aeroportet e botës. Janë politikat e tua, është qëndrimi yt ndaj krimit. Ky është problemi i vendit. PD është e vetmja parti që nuk bleu vota, nuk doli me logorenë e vulgaritetit. Është e vetmja parti me vizion. Edhe ti i ke gëzuar të mirat e saj dhe do t’i gëzosh edhe në ditëne afërt kur të jesh në opozitë. Me çfarë matesh ti kur nuk ke bërë një km rrugë? Siç e gjete, ashtu e kë lënë rrugën e Elbasanit. Pas çdo sulmi kundër opozitës fshihen aferat e tua korruptive, qindra milionë euro që u zhvaten shqiptarëve vit pas viti”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
