Kryeministri Edi Rama ka reaguar pas protesta e studentëve këtë të mërkurë që u përshkallëzua edhe me goditje me vezë ndaj Ministrisë së Arsimit.
Përmes rrjetit sociale "Twitter", kreu i qeverisë thotë se do të rishikohet vendimi i qeverisë për tarifën që studentët duhet të paguajnë për një vit akademik, apo edhe për tarifën shtesë që u vendos nga universitetet për provimet përsëritëse të vjeshtës.
Megjithatë Rama thotë se tarifat e tyre nuk i përcakton Ministria por universiteti, ndërsa në pikën 5 të përgjigjes së tij, ai thekson se Ministrja u ka sugjeruar sot universiteteve të konsiderojnë rishikimin e VKM.
"Thjesht e vërteta: 1.Tarifat s'i përcakton ministria po universiteti 2.Asnjë tarifë s'është rritur nga 2014 3. VKM për tarifën e mbetësve është kërkuar nga universitetet 4. Efekti i VKM nis vitin tjetër 5. Ministrja u ka sugjeruar sot universiteteve të konsiderojnë rishikimin e VKM", shkruan Rama.
Prej dy ditësh studentët protestojnë duke kërkuar heqjen e pagesës për kreditet e provimeve të mbartura, si dhe shtyrjen e afatit të pagesës vjetore të shkollës dhe pagesën e saj me këste.
Ata gjithashtu i kërkuan ministres Nikolla të përgjysmojë tarifat studimore, por edhe të përmirësojë kushtet në konvikte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
