Partia Socialiste po zhvillon sot negociata me grupin e drejtuar nga Enkelejd Alibeaj në PD, lidhur me zgjedhjen e Presidentit të ri.
Në Kryesinë e Kuvendit janë mbledhur përfaqësues të 4 grupeve parlamentare që po diskutojnë mbi kreun e ri të shtetit.
Në fjalën e mbajtur Alibeaj tha se opozita mori pjesë në proces që të mos krijonte alibi që mund t’i shërbenin qeverisë.
Opozita mori pjesë në këtë proces për të mos krijuar alibi, arsye të paqena që pjesa tjetër e Kuvendit të shkojë në raundin e katërt dhe të pestë e të këndojnë "Ata s'erdhën, por e zgjedhim ne". Kjo nuk do t’i shërbente askujt, thjesht do ishte zgjatim i mazhorancës. Kjo është arsyeja pse kemi marrë pjesë në këtë proces. Pavarësisht ndryshimeve të 2008, thelbi mbetet, 3 raundet e para presidenti duhet të zgjidhet me jo më pak se 84 vota.
Alibeaj shtoi se:
Ai që do jetë President i Republikës duhet ta dijë që nga kjo godinë ka pasur mbështetje. Nuk është zgjedhur nga një lojë meskine, por nga virtytet. Duhet të jetë peng e reputacionit publik që ka pasur në të shkuarën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
