Kriza në Partinë Demokratike sipas deputetit Kreshnik Çollaku nuk është prodhuar nga vetë kjo parti.
I ftuar në emisionin “Arnautistan” në MCN TV Çollaku tha se shkak për këtë krizë është bërë shpallja non grata nga DASH e Sali Berishës, vendim që siç e përshkruan ai ishte një bombë e vërtetë pas zgjedhjeve në PD.
“Kjo krizë që po ndodh në PD është krizë që nuk e prodhoi PD. Para 4 muajsh patëm një kongres dhe Basha u zgjodh për herë të dytë me mbështetjen e Berishës. Çështja çfarë po ndodh tani dhe çfarë më mban skeptik është pse sot. Basha që deri në korrik u mbështet edhe pse ishin shqetësimet edhe atëherë. Demokratëve u është cënuar një figurë historike si Berisha, mbase ka njerëz që u janë prekur interesat. Kjo është histori që nuk filloi në PD, pati një shpallje non grata të Berishës dhe ishte bombë e vërtetë pas zgjedhjeve në PD dhe kjo solli krizën” tha Çollaku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
