Kreu i ekzekutivit Edi Rama ka reaguar sërish në lidhje me procesin e vettingut!
Duke e cilësuar vettingun si ilaç gjarpërinjsh, Rama në një status në rrejtin social Twitter thotë se opozita ka dalë me libër shtëpie kundër tij si Fronti i dikurshëm Demokratik i lagjes!
Kreu i qeverisë shkruan se në vend të Letrave Anonime tani janë shpifjet dixhitale të Saliut dhe në vend të Këndit të Fletërrufeve janë recituesit e Lulit!
"Vetingu si ilaç gjarpërinjsh dhe opozita me libër shtëpie kundër Vetingut si Fronti i dikurshëm Demokratik i lagjes! Në vend të Letrave Anonime janë shpifjet dixhitale të Saliut. Në vend të Këndit të Fletërrufeve janë recituesit e Lulit. Në vend të kryetarit është vetë Luli", shkrun Rama.
Por pas postimit të Edi Ramës, i menjëhershëm ishte edhe përgjigja e kreut demokrat Basha.
Në një reagim në rrjetin social "Facebook", kreu i opozitës, ka shkruar se Rama ka bashkuar qeverinë me krimin e organizuar dhe gjyqësorin e korruptuar.
Dhe si për vazhdim të ironisë, kryedemokrati thotë se kush e gjen gjëagjëzën e postuar ngaai fiton një "Toyota Yaris".
"Gjëagjëzë Edvingu:
Kush i lidh e i mban bashkë:
një trafikant të dënuar droge me vëllain Ministër të Brendshëm PLUS
një gjyqtar që e shpëton nga ekstradimi ortakun e trafikantit të drogës PLUS
komisionerët e vettingut që e shpallin këtë gjyqtar të përshtatshëm për të vazhduar detyrën?!
Kush gjen përgjigjen e saktë, fiton Toyota Yaris", shkruan Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
