Pas ultimatumit të dhënë nga Kryeministri Edi Rama, gjashtë kryetarët e njësive administrative në Bashkinë e Korçës kanë paraqitur dorëheqjen e tyre. Këto dorëheqje janë dorëzuar pranë kryetarit të Bashkisë së Korçës, Sotiraq Filo.
Burime bëjnë me dije se ata do të vijojnë të qëndrojnë në detyrë deri në emërimin e pasardhësve të tyre.
Ndërkohë, dy nënkryetarët e Bashkisë Korçë nuk kanë paraqitur dorëheqje, por as nuk u është kërkuar një veprim i tillë prej tij.
Situata e njëjtë është shënuar edhe në Bashkinë e Kolonjës, ku tre kryetarë njësish administrative kanë dhënë dorëheqjen.
Dorëheqjen e kanë dhënë edhe katër administratorët e bashkisë Devoll.
Pritet që vala e dorëheqjeve të vijojë edhe në bashkitë e tjera të qarkut, konkretisht në Maliq dhe Pogradec, ku priten zhvillime të ngjashme në ditët në vijim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
