Rama: 60 mijë persona përfitues të përgjysmimit të tatimit për pagat 40- 50 mijë lekë

Nga përgjysmimi i tatimit për pagat nga 40 deri në 50 mijë lekë do të përfitojnë 60 mijë qytetarë.

Ky ka qenë lajmi i radhës i kryeministrit Rama publikuar sot nëpërmjet një statusi në rrjetin e tij social “Facebook”.

Kujtojmë se më herët të enjten, Rama njoftoi se nga 1 janari i vitit të ardhshëm (2022), paga minimale në vendin tonë do të bëhet 32 mijë lekë të reja nga 30 mijë lekë të reja që është aktualisht.

Kurse, për pagat deri në 40 mijë lekë, duke filluar nga korriku i vitit të shkruar, do të jetë zero taksim. Nga korriku i vitit tjetër do të ulet tatimi edhe për pagat nga 150 deri në 200 mijë lekë të reja.