Kretari i Partisë Demokratike, Lulzim Basha, ka reaguar pas rezolutës së djeshme të Komisionit Europian. Kreu i opozitës deklaron se zgjedhjet e lira janë kusht kryesor për hapjen e negociatave të BE-së me Shqipërinë.
Në një postim në rrjetin social Facebook, Basha thotë se rezoluta e djeshme e Komisionit të Jashtëm të Parlamentit Europian e ka theksuar edhe një herë zyrtarisht këtë gjë.
Shefi i opozitës nënvizon se ky kusht vërteton edhe një herë se plani i Edi Ramës për të manipuluar, vjedhur dhe shkatërruar zgjedhjet është rrënues për të ardhmen e vendit dhe për stabilitetin e Shqipërisë.
Sipas Bashës katër vjet qeverisje nga Edi Rama e ka detyruar Evropën t’i vendosë Shqipërisë një kusht elementar demokratik: zgjedhjet e lira.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
