Ditën e sotme është mbledhur Këshilli për Rregulloren dhe Mandatet në lidhje me mandatin e deputetes Olta Xhaçka.
Gazetari Mariglen Kume në një lidhje të drejtpërdrejtë me studion e lajmeve me MCN Tv thotë se deputetët kanë vendosur t’i drejtohen Kuvendit me anë të një shkrese ditën e enjte nëse do t’ia dërgojnë Gjykatës Kushtetuese vendimin që do merret apo jo.
Deputetët në Këshillin e Mandateve kanë vendosur t’i drejtohen Kuvendit ditën e enjte për të vendosur nëse do t’ia dërgojnë Gjykatës Kushtetuese vendimmarrjen, që të vendosë GjK nëse ish-ministrja Olta Xhaçka është në konflikt interesi sa i përket statusit që ka marrë bashkëshorti i saj si investitor strategjik në jug të vendit.
Në mbledhje ka pasur debate pasi deputetët e mazhorancës pretendojnë se vendimi i Gjykatës Kushtetuese për këtë çështje ka krijuar një vakuum duke thënë se GjK nuk mund të krijojë akte të reja ligjore dhe Kuvendi nuk është i detyruar të votojë nismën e 1/10 së deputetëve të Parlamentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
