Kreu i grupit parlamentar të PD-së, Gazment Bardhi në një dalje për mediat nga jashtë Gjykatës Kushtetuese theksoi se anëtarët e këtij institucioni duhet të ngrihen në lartësinë e duhur për të dhënë vendimin për çështjen e mandatit të Xhaçkës.
Sipas tij i vetmi organ që interpreton Kushtetutën, është GJK. Nuk mund të vihet në pikëpyetje zbatimi i vendimeve të saj.
Besoj që anëtarët e Gjykatës Kushtetuese do të ngrihen në lartësinë e detyrës së tyre dhe do të mbrojnë dinjitetin e tyre personal si anëtarë të kësaj gjykate dhe dinjitetin e këtij institucioni. Ne nuk kemi hyrë në prova, pasi t’i hymë provave duhet që Edi Rama të lejojë që të zbatohen vendimet e Gjykatës Kushtetuese. Sa i takon avokatit apo zonjës Xhaçka, kemi dëgjuar atë që thotë se po investonte si investitor strategjik në një pronë private. I vetmi organ që interpreton Kushtetutën, është GJK. Nuk mund të vihet në pikëpyetje zbatimi i vendimeve të saj, maxhoranca jo vetëm që e ka lënë pa zbatuar, por e ka injoruar.
Ndërkohë në lidhje me kërkesën e ngritur nga opozita se Xhaçka nuk duhet të ketë më një mandat deputeti, Bardhi u shpreh se pretendimi i tyre u konfirmua nga SPAK që vërtetoi se bashkëshorti i saj mori statusin e investitorit publik në një pronë publike me dokumente të falsifikuara.
Në këtë rast sipas Bardhit, përgjegjësi ligjore ka edhe kryeministri Rama i cili firmosi statusin e investitorit strategjik për bashkëshortin e Xhaçkës në konflikt interesi.
Pak muaj më Parë Gjykata Kushtetuese shqyrtoi një ankimim të opozitës dhe në vendimin e saj detyroi kuvendin që ti drejtohej kësaj gjykate për të interpretuar mandatin e Xhaçkës, por Partia Socialiste e hodhi vendimin e kushtetueses në votim dhe e rrëzoi.
Kjo u konsiderua e paprecedent nga opozita pasi sipas tyre vendimet e kushtetueses kanë trajtën e ligjit dhe vetëm zbatohen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
